Францияда Неймар ва Мбаппега тенг футболчи топилди

Фото: Getty Images

«Лилль» клубининг яримҳимоячиси Николя Пепе Франция чемпионатининг энг ёрқин кашфиёти бўлиб турибди.

Футболчи Лига 1 доирасида 23та ўйин ўтказиб, 16та гол урган ва 11та голга ҳаммуаллифлик қилган. «Гол+пас» тизими бўйича Пепе 27 очко жамғариб, Неймардан (20 очко) анча ўзиб кетган, Мбаппедан эса атиги 1 очко ортда бормоқда.

Қайд қилиш жоизки, Пепе Франция чемпионати тўпурарлари баҳсида 16та гол билан 2-ўринни эгаллаб турибди. Пешқадам – 18та гол урган Килиан Мбаппе.