Фото: twitter
Ҳиндистоннинг жануби-ғарбидаги Дхарвад шаҳрида савдо маркази биноси қулаб тушди. Бу вақт марказда 200 га яқин одам бўлган.
Times of India нашрининг хабар беришича, айни вақтда бир киши ҳалок бўлгани ва 6 киши жароҳатлангани маълум, бироқ вайроналар остида кўплаб одамлар қолмоқда.
Бинонинг 1- ва 2-қаватида 90 тага яқин дўкон жойлашган бўлиб, воқеа вақтида у ерда 150 га яқин одам бўлган.
Баъзи одамлар вайроналар остидан ўзлари мустақил чиқа олишган, бироқ 40-90 киши қутқарувчилар ёрдамини кутмоқда.
Маҳаллий аҳолининг таъкидлашича, бошидан конструкцияси мустаҳкамлиги билан ажралмаган бино 3-қаватдаги қурилиш ишлари вақтида қулаган.
Воқеа жойида шифокорлар, қутқарувчилар ва полициячилар иш олиб бормоқда.
