Россия президенти Владимир Путин Қирғизистонга ташрифи чоғида фахрий қоровулдаги гвардиячиларга қирғиз тилида мурожаат қилди. Бу ҳақда 28 март, пайшанба куни журналист Дмитрий Смирнов ўз Telegram-каналида ёзган.
Путин пайшанба куни Қирғизистон президенти Сооронбай Жээнбеков билан учрашди. Тадбир республика давлат протоколининг янги қоидаларига асосан ўтказилди: «Ала-Арча» давлат қароргоҳи конгресс-холли олдида постаментли мармар чодир қурилди.
Дастлаб Қирғизистон президенти етиб келган, Россия етакчиси «Аурус»да бироз вақт ўтгандан кейин кирган. Россия ва Қирғизистон раҳбарлари постаментга кўтарилишди, у ерда уларни миллий гвардия фахрий қоровули кутиб олди. Шундан сўнг, Путин ва Жээнбеков фахрий қоровул ротаси байроғига яқинлашган ва сафни четлаб ўтишган.
«Салом Аскар», - дея мурожаат қилган ҳарбийларга Путин.
Бундан олдин, Путин Бишкекка келгани хабар берилганди.