Ҳиндистонда фил ҳужуми оқибатида беш киши ҳалок бўлди

Ҳиндистоннинг Орисса штатида фил ҳужум қилиши натижасида беш киши ҳалок бўлди, деб хабар берди Hindu нашри.

Нашрнинг маълум қилишича, Сандха қишлоғидаги хонадонлардан бирида яшовчи оиланинг уч аъзоси айвонда ухлаб ётишганида тонгга яқин фил уларга ҳужум қилган. Уларнинг барчаси ҳалок бўлишган. Кейинроқ ўша қишлоқда яна бир аёл ҳалок бўлган.

Орадан бир соат ўтгач қўшни Сантапада қишлоғида яна бир кишини фил ўлдиргани хабар қилинган.

Орисса штатида филлар одамларга тез-тез ҳужум қилиб туради: маълумотларга кўра, кейинги тўққиз йил ичида штатда 694 та фил ва 661 киши ҳалок бўлган.

Нашрнинг маълумот беришича, Ҳиндистон ҳукумати ёввойи ҳайвонлар ҳужумидан ҳалок бўлганларнинг оилаларига 400 рупия (5,7 минг доллар) компенсация тўлайди.