Россия президенти Владимир Путиннинг собиқ иттифоқ вақтидаги ташриф қоғози 650 минг рублга сотувга қўйилди. Бу ҳақидаги эълон “Юла” платформасида жойлаштирилган.
Оқ рангдаги ташриф қоғозида Путиннинг 1990 йил май ойидан 1991 йил июнь ойигача эгаллаган лавозими – “Ленинград шаҳар халқ депутатлари кенгаши раисининг халқаро алоқалар бўйича маслаҳатчиси” ёзилган.
Ташриф қоғозида, шунингдек, Россиянинг бўлғуси президенти ишлаган ташкилотнинг телефон рақами, факси ва манзили кўрсатилган.
