Фото: Globallookpress.com
«Порту» дарвозабони Икер Касильяс машғулот пайтида юрак хуружини бошидан ўтказган ва унга шифохонада инфаркт ташхиси қўйилган эди.
Кейинчалик унинг юрагида жарроҳлик амалиёти ўтказилди ва чемпионат ўйинларини якунлай олмаслиги ойдинлашди.
Marca нашрининг таъкидлашича, энди 37 ёшли футболчи фаолиятини давом эттира олмайди. Касильяс бу ҳақда яқин орада эълон қилади.
Эслатиб ўтамиз, март ойида Касильяс «Порту» билан 2020 йилгача мўлжалланган янги шартномани имзолаган эди.
Бу мавсумда футболчи барча мусобақаларда 42та ўйинда майдонга тушиб, 35та гол ўтказиб юборган ва 19та сэйвни амалга оширган.
