Миср ҳарбийлари ички ишлар вазирлиги кучлари кўмагида Синай яриморолининг марказий қисми ва шимолида 47 жангарини йўқ қилди.
Таъкидланишича, Синайда давом этаётган махсус операция вақтида катта миқдорда қурол ва ўқ-дори тортиб олинган, жангарилар томонидан қўлланган паноҳгоҳлар ва транспорт аниқланган.
Бундан ташқари, турли жиноятларни содир этишда гумон қилинган 150 дан кўпроқ киши ушланган.
25 апрелда Миср ҳукумати 3 ойлик муддатга фавқулодда ҳолат режимини киритган. Синай яриморолининг шимол ҳудудларида комендантлик соати амал қилмоқда.
