Тошкент халқаро аэропортида аёл киши гашиш билан қўлга олинди

Тошкент халқаро аэропортида аёл киши гашиш билан қўлга олинди, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Маълум бўлишича, 2019 йил 11 май куни соат 05:30ларда “Ислом Каримов” номидаги “Тошкент” халқаро аэропортининг хавфсизлик хизмати галереясида, “Тошкент-Москва” йўналишида учиб кетаётган йўловчи 37 ёшли И.К. исмли аёлнинг ички кийимига яширилган, 6 дона полиэтилен пакетчаларга ўралган 37,4 гр. “гашиш” гиёҳвандлик воситаси аниқланиб, ашёвий далил сифатида олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.