2019 йил 4 июнь куни соат 17:25ларда Жиззах шаҳар, «Хайробод» маҳалласида яшовчи А.Б. (1966 й.т.) Шароф Рашидов тумани, «Хайробод» маҳалласи ҳудудида жойлашган фермер хўжалигига қарашли дала майдонида таниши Ф.Х. (1965 й.т.) билан спиртли ичимлик истеъмол қилган.
Бош прокуратура матбуот хизмати хабарига кўра, у ўзаро келишмовчилик оқибатида келиб чиққан жанжал натижасида ошхона пичоғи билан Ф.Х.нинг кўкрак қафасига бир маротаба уриб, санчилиб кесилувчи жароҳат етказган.
Натижада, Ф.Х. воқеа жойидан тан жароҳати билан қочишга уриниб, дала майдонида кўп қон йўқотиши оқибатида вафот этган.
2019 йил 4 июнь куни мазкур ҳолат юзасидан Шароф Рашидов туман прокуратураси томонидан А.Б.га нисбатан Ўзбекистон Республикаси Жиноят кодексининг 97-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
А.Б. тегишли процессуал тартибда ушланган, дейилади хабарда.
