АҚШлик эркак кўчада «дунёдаги энг катта мушук» билан сайр қилди

АҚШнинг Жанубий Каролина штатидаги Мертл-Бич шаҳрида яшовчи эркак кўчада лигр билан сайр қилди.

«Ҳақиқий Тарзан» лақабли Майкл Холстон исмли эркак тасвирланган видеода унинг оғирлиги 319 кило бўлган лигр (эркак шер ва урғочи йўлбарс чатишмаси) билан сайр қилаётгани тасвирланган. Унинг айтишича, бу жонивор «дунёдаги энг катта мушук»дир. 

Лигр — бугунги кунда мавжуд бўлган мушуксимонлар оиласининг энг йирик вакилидир. Лигр соатига 60 километргача тезликда югура олади. Унинг узунлиги тўрт метргача етади, оғирлиги эса 300 килограммдан ортиқ бўлади.