Кипр президенти сайр вақтида оёғини синдириб олди

Кипр президенти Никос Анастасиадис Лимасол шаҳрида сайр вақтида ўнг оёғининг сон суягини синдириб олди. Анастасиадис билан бахтсиз ҳодиса дўконлардан бири олдидаги зинадан тушаётганда юз берган. Бу ҳақда Philenews портали хабар берди.

Кипр президенти шаҳардаги хусусий клиникага етказилган. Унда суякнинг бутлигини тиклаш операцияси ўтказилган ва у муваффақиятли кечган. Президентнинг тўлиқ тикланишига 3 ҳафтача вақт талаб этилиши мумкин. 

Анастасиадис президент лавозимини 2013 йил февралдан бери эгаллаб келади. У 2018 йил февралда ушбу лавозимга иккинчи муддатга қайта сайланган.