Фото: AP
Тунис президенти Бежи Каид Ас-Себси 92 ёшида вафот этди. Бу ҳақда президент маъмуриятининг фейсбукдаги саҳифасида хабар қилинган.
Маълум қилинишича, Тунис президенти ҳарбий госпиталда оламдан ўтган. 24 июль куни у бир ой ичида иккинчи марта оғир хасталик туфайли госпиталга ётқизилганди.
Бежи Каид Ас-Себси — Туниснинг илк эркин сайланган президенти эди. У 2014 йилда давлат раҳбарлигига келганди. У ноябрь ойидаги президентлик сайловларида қатнашмаслигини эълон қилганди.
