Нукусда 9 000 долларни ўғирлаб кетган мактаб ўқувчилари ушланди

Иллюстратив фото

2019 йил 4 июль куни номаълум шахс Қорақалпоғистон Республикасининг Нукус шаҳрида яшовчи 45 ёшли А.И.нинг уйига дераза орқали кирган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Қайд этилишича, у уйдан 9 000 АҚШ доллари ва узугини ўғирлаб кетган. Ҳолат юзасидан жиноят иши қўзғатилган.

Кўрилган чоралар натижасида ушбу жиноятни Нукус шаҳри “Саманбай” МФЙда яшовчи, 29-сонли ўрта мактабнинг 10-синф ўқувчиси 17 ёшли С.Б. ва 31-сонли ўрта мактабнинг 8-синф ўқувчиси 14 ёшли П.Б.лар содир этганликлари аниқланиб, ушланганлар.

Тергов ҳаракатлари давом этмоқда.