23 август куни Марказий ҳарбий округнинг Каттақўрғондаги полигонида йирик масштабдаги ҳарбий машғулотлар ўтказилди. Унда доимий жанговар шайликдаги аскарлар қатнашди. Янги тикланган округнинг Каттақўрғондаги полигони ҳар доимгидан гавжум бўлди. ОАВ учун ҳам очиқ бўлган йиғинда Kun.uz мухбири ҳам қатнашди.
Машғулот раҳбарларининг айтишича, улар бу жараёнга 6 ой давомида тайёргарлик кўришган. Аскарлар кўплаб турдаги қуроллардан ўт очиб, машғулот ўтказишди. Албатта, у ерда ўзбек армиясининг барча қуролларини кўрдик деб айта олмаймиз, аммо кўплаб замонавий қуроллар жанговар тайёргарликни етарли даражада таъминлашига гувоҳ бўлдик. Қуйида Каттақўрғон полигонидан тайёрланган фотогалереяни эътиборингизга ҳавола қиламиз.
