Ўзбекистонда беш давлатнинг ҳарбий машғулотлари якунланди

Машғулотлар давомида қабул қилинган қарорлар дастлаб моделлаштириш ва симуляция воситаларида синовдан ўтказилиб, энг мақбул вариантлар амалиётга жорий қилинди. Амалий машғулотлар бир нечта ҳудудда бир вақтнинг ўзида ўтказилиб, қуйидаги вазифалар бажарилди:

• учувчисиз учиш аппаратлари ёрдамида шартли душман ҳудудини разведка қилиш;
• шаҳар шароитида ноқонуний қуролланган гуруҳларни йўқ қилиш ва қўлга олиш операциялари;
• белгиланган нишонларга артиллерия ва авиация зарбалари бериш;
• Ўзбекистон ва Қозоғистон ҳаво кучлари самолётлари ва жанговар вертолётлари орқали шартли душман объектларига зарбалар бериш.

Машғулотларни Ўзбекистон мудофаа вазири генерал-лейтенант Шуҳрат Холмуҳаммедов бошчилигидаги делегация ҳамда Қозоғистон, Қирғизистон, Тожикистон ва Озарбойжон мудофаа вазирлари бевосита кузатиб борди.

Машғулотлардан сўнг меҳмонлар ҳарбий техникаларни мобил таъмирлаш устахонаси, бригада тактик гуруҳининг қўмондонлик нуқтаси ва модернизация қилинган техникалар билан танишди.