Фото: РИА Новости / Сергей Пивоваров
Ҳиндистонга С-400 мажмуалари 18-19 ой ичида етказиб берилади, шартнома учун бўнак тўланди, деб маълум қилди Россия бош вазири ўринбосари Юрий Борисов.
Россия ва Ҳиндистон 2018 йил октябрда С-400 мажмуалари етказиб бериш бўйича шартнома имзолаганди. Бешта зенит-ракета тизимлари полки Нью-Деҳлига 5,43 миллиард долларга тушади.
Россия ва Ҳиндистон ўртасидаги мудофаа шартномаси Вашингтон томонидан бир неча бор танқид қилинганди. АҚШ 2018 йилда Ҳиндистон Россиядан С-400 сотиб олиш бўйича шартномадан воз кечиши кераклигини талаб қилганди.
АҚШ Ҳиндистонга нисбатан санкциялар жорий этилиши мумкинлигини истисно қилмади. Ҳиндистон эса бир томонлама чекловлар нотўғри бўлишини таъкидлади.
