Конго Демократик Республикасида поезднинг ҳалокатга учраши камида 50 кишининг умрига зомин бўлди. Бу ҳақда Daily Sabah Africa нашри хабар берди.
Мамлакатнинг гуманитар масалалар ва табиий офатларга қарши курашиш масалалари вазири Стив Мбикайи яна 23 киши жароҳатланганини маълум қилган.
Йўловчи поезди Танганика вилоятида релслардан чиқиб кетиб, ағдарилиб кетган. Ўнлаб одамлар поезд остида қолиб кетган.
Ҳукумат қурбонлар сони ошиши мумкинлигини айтган. Воқеа жойида қутқарув операцияси олиб борилмоқда. Ҳукумат ҳалок бўлганлар оилаларига ҳамдардлик билдирган.
