Трамп Зеленскийга босим ўтказмаганини маълум қилди 

Вашингтон Киев АҚШнинг собиқ вице-президенти Жозеф Байденнинг ўғли ҳаракатларини тергов қилишдан бош тортса, Украинага молиявий ёрдам беришни тўхтатиш билан таҳдид қилмаган. АҚШ президенти Дональд Трамп журналистлар саволига жавобан шундай баёнот берди.

“Мен сўрамаганман. Мен “шу ишни қилишингиз керак, йўқса ёрдам бермайман”, деб айтмаганман. Мен бундай қилмасдим ҳам”, деб айтган Трамп.

Аввалроқ Трамп Украина президенти Владимир Зеленский билан июлдаги суҳбати вақтида унга босим ўтказгани ҳақида хабар қилинганди.

Бундан ташқари, Трамп Оқ уй Зеленский билан суҳбатининг стеннограммасини эълон қилиши мумкинлигини айтган. “Сиз суҳбат нима ҳақида бўлганини кўрганингизда ва сиз уни кўрасиз деб умид қиламан, мен бундай қилмаганимга иқрор бўласиз. Сиз бунга иқрор бўлгач, пушаймон қиласиз”, деб айтган АҚШ президенти. 

Унинг таъкидлашича, у Зеленский билан суҳбати матнини эълон қилишни ҳеч қандай муаммосиз буюриши мумкин, бироқ ёмон ўрнак бўлмаслик учун буни қилишни истамайди. “Буни осонгина қилишим мумкин. Бироқ хорижий етакчилар билан бошқа суҳбатларимни ҳисобга олиб, буни қилишни истамасдим. Буни қўнғироқ мен томондан ҳам, у томондан ҳам [Зеленский] безиён бўлгани учун қила оламан. Бироқ бошқа давлатлар етакчилари билан суҳбатлар мазмунини очиқлашни яхши ўрнак бўлади, деб ҳисобламайман”, деб қўшимча қилган Трамп. 

АҚШ президентининг таъкидлашича, Киев ҳам Зеленскийга босим бўлмаганини айтган.

Аввалроқ Трамп қўнғироқ вақтида Украинадаги коррупция ҳақида суҳбатлашгани ва бу мазмунда Байденни эслаб ўтганини маълум қилган. 

Трампнинг 2020 йилги президент сайловлари бўйича рақиби бўлган Жо Байден Трампнинг Зеленский билан суҳбати матнини эълон қилишни талаб қилганди. Бироқ АҚШ давлат котиби Майк Помпео Трамп ва Зеленскийнинг суҳбати махфий характерга эга эканлигини ва шу сабабли унинг матни эълон қилинмаслигини маълум қилган.