Хайнанда сунъий орол устида аэропорт қуриш режалаштирилмоқда

Хайнандаги Санья курорти раҳбарияти сунъий орол устида аэропорт қуришни режалаштирмоқда. Бу ҳақда "Хайнань жибао" нашри хабар берди.

Нашрнинг маълумот беришича, сунъий орол Хунтанвань кўрфазида бунёд этилади. У шаҳардаги Феникс аэропортида 15 км масофада жойлашади.

Орол учбурчак шаклида бўлади. Унинг майдони 15,75 млн кв. Метрни ташкил этади. Орол беш йил давомида қуриб битказилади.

Лойиҳа икки қисмдан иборат бўлади: сунъий орол ва аэропорт бунёд этилиши ҳамда транспорт инфраструктураси қурилиши. Орол Хайнань билан иккита параллел – автомобиль ва темир йўл кўприклари орқали боғланади. Уларнинг узунлиги 6 кмни ташкил этади.