Юнусободда Opel ёниб кетди

2019 йилнинг 7 октябрь куни соат 12:46 да Тошкент шаҳар Юнусобод тумани, “Матонат” маҳалласи, А.Қодирий кўчаси 38-А-уй рўпарасида ҳаракатланиб кетаётган фуқаро Ю.В. бошқарувидаги “ОPEL” русумли автомобилида ёнғин содир бўлаётганлиги ҳақида ёнғин-қутқарув хизматига хабар келиб тушган.

Ўзбекистон Республикаси ФВВ ЁХББ ОАВбилан ҳамкорлик қилиш бўлинмаси маълумотида айтилишича, хабар асосида воқеа жойига иккита ёнғин ўчириш бўлинмалари жалб этилган. Бўлинмалар кўрсатилган манзилга уч дақиқада етиб борган. Кўрилган тезкор ҳаракатлар натижасида ёнғин бартараф этилган. Тан жароҳати олганлар ва ҳалок бўлганлар йўқ. 

Ёнғин оқибатида фуқаро Ю.В.га тегишли бўлган “ОPEL” русумли автомобилнинг мотор ва салон қисми ёниб зарарланган. Ёнғин сабаби ва моддий зарар миқдори аниқланмоқда.