Иллюстратив фото /KUN.UZ
«Пахтакор-Янгиер» магистрал газ қувурида ёрилиш содир бўлди. Бу ҳақда «Ўзтрансгаз» хабар қилмоқда.
Қайд этилишича, жорий йилнинг 21 октябрь куни соат тахминан 09:47да «Ғаллаорол магистрал газ қувурлари бошқармаси»га қарашли 1984 йилда ишга туширилган юқори босимли диаметри 1020 мм бўлган «Пахтакор-Янгиер» магистрал газ қувури I тармоғининг 17-км.да ёнғинсиз ҳолатда қувур ёрилиши юз берган.
Хабарда айтилишича, ҳозирда аварияни бартараф этиш ва магистрал газ қувурни ишга тушириш чоралари кўрилмоқда.
Истеъмолчиларга табиий газ етказиб беришда узилишлар бўлмайди, дейилади маълумотда.
