Париж Brexit бўйича янги кечиктириш берилишига қарши чиқди
Франция ҳукумати Буюк Британиянинг Европа иттифоқидан чиқиш муддатини кечиктириш Лондонга ҳам, европаликларга ҳам керак эмас, деб ҳисобламоқда.
"Қўшимча кечиктириш ҳеч кимнинг манфаатларига мос келмайди", - деди Франция ҳукуматининг расмий вакили Сибет Ндиайе.
У Брюссель ва Лондон ўртасидаги келишув ҳақида гапирар экан, "Британия парламенти бу масала бўйича нимани ўйлаётгани ҳақида айтадиган вақт келганини" таъкидлади.
Аввалроқ Германия ташқи ишлар вазири Хайко Маас Берлин "қисқа техник кечиктириш"га тайёрлигини маълум қилганди.
Brexit’ни кечиктириш бўйича тузатиш киритилишини Британия парламенти жамоатчилик палатасининг 322 депутати маъқуллаган, 306 депутат қарши чиққанди.
Европа кенгаши раиси Дональд Туск якшанба куни Британия томонидан Brexit муддатини кўчириш илтимоси битилган мактуб олганини, шу боис ЕИ давлатлари раҳбарлари билан маслаҳатлашувлар бошлаётганини эълон қилди.
Мавзуга оид
23:37 / 14.09.2024
Олимлар 50 минг йил ғорда изоляцияда яшаган неандерталлар қолдиқларини топди
15:24 / 12.09.2024
Теlegram Франция полициясининг сўровларига жавоб беришни бошлади – Liberation
09:28 / 06.09.2024
Консерватор Мишел Барне Франциянинг янги бош вазири бўлди
19:35 / 31.08.2024