Parij Brexit bo‘yicha yangi kechiktirish berilishiga qarshi chiqdi
Fransiya hukumati Buyuk Britaniyaning Yevropa ittifoqidan chiqish muddatini kechiktirish Londonga ham, yevropaliklarga ham kerak emas, deb hisoblamoqda.
"Qo‘shimcha kechiktirish hech kimning manfaatlariga mos kelmaydi", - dedi Fransiya hukumatining rasmiy vakili Sibet Ndiayye.
U Bryussel va London o‘rtasidagi kelishuv haqida gapirar ekan, "Britaniya parlamenti bu masala bo‘yicha nimani o‘ylayotgani haqida aytadigan vaqt kelganini" ta'kidladi.
Avvalroq Germaniya tashqi ishlar vaziri Xayko Maas Berlin "qisqa texnik kechiktirish"ga tayyorligini ma'lum qilgandi.
Brexit’ni kechiktirish bo‘yicha tuzatish kiritilishini Britaniya parlamenti jamoatchilik palatasining 322 deputati ma'qullagan, 306 deputat qarshi chiqqandi.
Yevropa kengashi raisi Donald Tusk yakshanba kuni Britaniya tomonidan Brexit muddatini ko‘chirish iltimosi bitilgan maktub olganini, shu bois YeI davlatlari rahbarlari bilan maslahatlashuvlar boshlayotganini e'lon qildi.
Mavzuga oid
23:37 / 14.09.2024
Olimlar 50 ming yil g‘orda izolyatsiyada yashagan neandertallar qoldiqlarini topdi
15:24 / 12.09.2024
Telegram Fransiya politsiyasining so‘rovlariga javob berishni boshladi – Liberation
09:28 / 06.09.2024
Konservator Mishel Barne Fransiyaning yangi bosh vaziri bo‘ldi
19:35 / 31.08.2024