Москва - Душанбе йўналишида парвоз қилган самолёт Тошкентга фавқулодда қўнди

Москва-Душанбе йўналиши бўйича парвоз қилган «Уральские авиалинии» авиакомпаниясининг А320 самолёти Тошкентга қўнишга мажбур бўлди. Бу ҳақда «РИА Новости» Ўзбекистон пойтахти аэропорти вакилига таянган ҳолда хабар қилди.

«Уральские авиалинии» авиакомпаниясининг Москва-Душанбе йўналишида парвоз қилган самолёти эрталаб соат 6:10да (Москва вақти билан 4:10) Тошкентга қўнишга мажбур бўлди. Бунинг сабаби - Душанбе аэропортидаги момақалдироқ», - дея маълум қилишган Тошкент аэропортидан.

Қайд этилишича, самолёт Душанбега Москва вақти билан соат 4:00да етиб бориши керак эди. Лайнер парвозни давом эттиришга кўрсатма кутмоқда. Барча йўловчилар бортда экани айтилади.