Тошкент шаҳри прокуратурасида янги тайинлов амалга оширилди.
Kun.uz манбаси хабарига кўра, бош прокурор буйруғи билан Баҳодир Абдулхаевич Абдувалиев Тошкент шаҳри прокурори ўринбосари лавозимига тайинланган.
Баҳодир Абдувалиев бунга қадар Бош прокуратуранинг Жиноий суд ишларини юритишда прокурор ваколатини таъминлаш бошқармаси бошлиғи лавозимида ишлаб келаётганди.
Тошкент прокурорининг аввалги ўринбосари Самандар Остонов эса Самарқанд вилоят прокурори ўринбосари этиб тайинланган.
У пойтахт прокуратурасидаги фаолиятига қадар Бош прокуратуранинг Вояга етмаганлар тўғрисидаги қонунчилик ижроси устидан назорат бошқармасига раҳбарлик қилган.