Макгрегор қайтмоқда: у UFC афсонасига қарши жанг ўтказади

«Конор шартномани имзолади, Серроне тайёр», деб айтган Уайт.

Ирландиялик ўзининг охирги жангини 2018 йил октябрда Хабиб Нурмагомедовга қарши ўтказиб, унга муддатдан олдин мағлуб бўлганди.

2019 йил мартда Макгрегор спорт фаолиятини якунлашини эълон қилган, бироқ кўп ўтмай спортга қайтишга қарор қилган. 31 ёшли спортчи UFC’нинг энг таниқли жангчиларидан саналиб, 25 та жангдан 21 тасида ғалаба қозонган, 4 марта мағлубиятга учраган. У биринчи чемпионлик унвонини 2015 йилда қўлга киритган ҳамда UFC’нинг икки вазн тоифасида чемпиони бўлган биринчи жангчиси ҳисобланади.

Серроне эса анча тажрибалироқ бўлиб, 50 та жанг ўтказган ва улардан 36 тасида ғалаба қозонган, 13 тасида мағлубиятга учраган, яна битта жанги бўлиб ўтмаган деб топилган. “Ковбой” лақабли 36 ёшли Серроне UFC афсонаси ҳисобланади. У сентябрда ўтказган охирги жангида ҳамюрти Жастин Гэжига техник нокаут билан ютқазган.