Москвада ижтимоий сўров: мигрантлар Ўзбекистондаги сайлов ҳақида қандай фикрда?

Бугун, 12 декабрдан бошлаб Олий Мажлис ва маҳаллий кенгашларга сайлов кунида ўз яшаш жойида бўлиш имкониятига эга бўлмаган сайловчилар муддатидан олдин овоз беришлари мумкин.

Айни жараёнлар 12-18 декабрь кунлари Ўзбекистоннинг хорижий мамлакатлардаги 55та сайлов участкасида ҳам бўлиб ўтади.

Шу кунларда Россияда бўлиб турган Kun.uz мухбирлари 11 декабрь куни Москва шаҳрида ижтимоий сўров ўтказиб, Ўзбекистон фуқароларининг мазкур сиёсий жараёнга муносабатини ўрганди.

Таъкидлаш жоиз, сўровда респондентларнинг аксариятида вакиллик органларига сайловлар ҳақида етарлича маълумот йўқлиги, фуқаролик ҳуқуқларидан фойдаланиш истаги юқори эмаслиги маълум бўлди.

Эслатиб ўтамиз, Олий Мажлис Қонунчилик палатаси, халқ депутатлари вилоят, туман ва шаҳар кенгашларига сайлов асосан 22 декабрь, якшанба куни бўлиб ўтади.