АҚШ Конгресси Вакиллар палатаси спикери Нэнси Пелоси президент Дональд Трамп конституцияни бузгани ва импичментга лойиқ эканлигини айтди.
"Президент ўзининг лавозим ваколатлари кучидан миллий хавфсизлик ҳисобига шахсий сиёсий манфаат олиш учун фойдаланди. Афсуски, президентнинг ҳаракатлари импичмент заруриятига олиб келди. У бизга имкон қолдирмади", - деди Пелоси.
Демократлар Дональд Трамп Украинага ҳарбий ёрдамни тўхтатиб қўйиб, президент Владимир Зеленскийдан Трампнинг рақиби Жо Байденга қарши тергов ўтказишни талаб қилганлигини таъкидламоқда.
Трамп эса Украина ҳукуматидан коррупцияга қарши курашишни талаб қилганини айтмоқда.
