АҚШ Яқин Шарққа 3 мингга яқин десантчи юборишга қарор қилди

Фото: Global Look Press

АҚШ мудофаа вазирлиги Яқин Шарқда қўшимча 3 мингга яқин ҳарбийни вақтинчалик жойлаштиришга қарор қилди. Бу ҳақда NBC телеканали хабар берди.

Гап Шимолий Каролина штатида жойлашган ҳарбий-десант кучлари жангчилари ҳақида бормоқда. Улардан бир қисми Кувайтга, бир қисми эса Ироққа жўнатилади. Тезкор жавоб беришга мўлжалланган ушбу кучлар Яқин Шарқда 60 кунга яқин қолиши режалаштирилган.

Шу тариқа, Яқин Шарқда умумий ҳисобда 3,6 минг америкалик ҳарбий хизмат олиб боради.

Телеканал манбаларининг таъкидлашича, қўшимча кучларни юбориш қарори АҚШнинг Бағдоддаги элчихонасига ҳужум билан боғлиқ ҳолда қабул қилинган ва Ислом инқилоби соқчилари корпусининг “Ал-Қудс” бўлинмаси қўмондони Қосим Сулаймонийнинг ўлдирилишига алоқаси йўқ.

Тайёрлаган Шуҳрат Раҳимов

#АҚШ #десант #Яқин Шарқ

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.