Башар Асад генерал Сулаймонийни ўлимидан кейин орден билан мукофотлади

эронлик генерал Қосим Сулаймоний

Сурия президенти Башар Асад АҚШ ҳарбийлари зарбаси билан ўлдирилган эронлик генерал Қосим Сулаймонийни Суриянинг олий мукофотларидан бири – Фахр ордени билан мукофотлади. Бу ҳақда Tasnim ахборот агентлиги хабар берди.

Шунингдек, Сурияда генерал ўлими муносабати билан мотам тадбирлари ўтказилган.

Марҳум генералнинг мукофотланиши ҳақида Сурия бош вазири Имод Хамис Эроннинг биринчи вице-президенти Исҳоқ Жаҳонгирий билан Теҳрондаги учрашувда маълум қилди.

“Бу орден билан мукофотлаш Сурия президентининг генерал Сулаймоний ва Эрон Ислом Республикасидаги оға-иниларига чуқур ҳурматини билдиради”, деб айтган Хамис.

#Башар Асад #Қосим Сулаймоний

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.