Австралия ёнғинлардан сўнг тикланиши учун камида юз йил керак бўлади

Австралия ўтган йилнинг кузидан буён давом этаётган табиат ёнғинларидан сўнг тикланиши учун юз йил керак бўлади, деб ёзмоқда The Sun газетаси.

Ўт ўчириш хизмати маълумотларига кўра, Австралияни ёнғинлардан аввалги ҳолатига қайтариш учун шунча вақт талаб қилинади.

Айни вақтда Австралия шарқида юздан ортиқ ёнғин ўчоқлари фаоллигича қолмоқда. 

Жаҳон ёввойи табиат фонди Австралиядаги 13 турдаги жониворнинг яшаш муҳити йўқ бўлиб кетганини маълум қилди. 

Мамлакатда 2019 йил кузида улкан миқёсдаги табиат ёнғинлари бошланиши оқибатида 28 киши ҳалок бўлди ва икки мингдан ортиқ уй ёниб кетди. Кейинги бир неча ҳафта давомида ёнғинлар янада кучайди.

Ёнғин Австралиядаги 10 млн гектардан ортиқ ўрмонларни йўқ қилди.