Фото: Reuters
Шахмат бўйича амалдаги жаҳон чемпиони, норвегиялик шахмат устаси Магнус Карлсен қаторасига давом этаётган мағлубиятсиз партиялар сони бўйича жаҳон рекорди ўрнатди.
14 январда Карлсен Вейк-ан-Зейдаги (Нидерландия) мусобақада нидерландиялик Йорден ван Форест билан дуранг натижа қайд қилган. Бунинг эвазига норвегияликда вақтни классик назорат қилиш билан мағлубиятсиз партиялари сони 111 тага етган.
Карлсен охирги марта 2018 йил 31 июлида мағлубиятга учраган.
Аввалги 110 та мағлубиятсиз партиядан иборат рекорд натижа россиялик, кейинроқ эса нидерландиялик шахматчи Сергей Тивяковга тегишли эди. Бу рекорд натижа у томонидан 2005 йилда ўрнатилган.
