АҚШ давлат котиби Николас Мадурони лавозимидан четлатишга чақирди

АҚШ давлат котиби Майк Помпео давлатларни Венесуэла президенти Николас Мадурони лавозимидан четлатишда ҳамкорлик қилишга чақирди. Бу ҳақда ғарб оммавий ахборот воситалари хабар берди. 

“Биз Венесуэла фуқароларига зиён етказаётган ва бутун минтақага таъсир кўрсатаётган Мадуро зулмига чек қўйишимиз керак”, деб айтган Помпео Колумбия президенти Иван Дуке билан Боготадаги учрашувдан кейин.

Унинг таъкидлашича, Мадуро ҳокимиятининг зарарли оқибатлари ва гуманитар фалокатга қарши курашиш учун ҳамкорлик қилиш лозим.

Помпео Колумбиянинг венесуэлаликларга кўмак кўрсатишдаги, жумладан венесуэлалик қочқинларга бошпана беришдаги саъй-ҳаракатларини юқори баҳолаган.

БМТ маълумотларига кўра, 2016 йил бошидан бери Венесуэлани 4 млн киши мажбуран тарк этган.