Қўшимча функционаллар
-
Тунги кўриниш
АҚШ «Ал-Қудс»нинг янги қўмондонига таҳдид қилди
Вашингтон Ислом инқилоби муҳофизлари корпусининг «Ал-Қудс» махсус бўлинмаси янги қўмондони генерал Исмоил Ғанига йўқ қилиш билан таҳдид қилмоқда. Бу ҳақда АҚШнинг Эрон бўйича махсус вакили Брайан Ҳук айтиб ўтди, деб хабар берди Asharq Al-Awsat нашри.
Хукнинг таъкидлашича, генерал Қосим Сулаймонийнинг издоши америкалик фуқароларга ҳужумларни давом эттирса, АҚШ уни бартараф қилади.
«Агар у ҳам америкаликларни ўлдириш йўлидан борса, уни ҳам шундай [Сулаймонийники каби] қисмат кутмоқда. Президент йиллар давомида минтақада [Яқин Шарқда] америкаликларга ҳар қандай ҳужум қатъий жавобга учрашини таъкидлаб келган», деб айтган АҚШ вакили.
Америкалик ҳарбийлар 3 январга ўтар кечаси Бағдод аэропорти яқинида «Ал-Қудс» қўмондони генерал Қосим Сулаймонийни бартараф этишган. Сулаймоний ўлимидан кейин унинг ўрнига Исмоил Ғани тайинланганди.
Қосим Сулаймонийнинг ўлдирилиши
Мавзуга оид
20:32
Эрон норозилик намойишларида 3 мингдан ортиқ одам ҳалок бўлганини расман эълон қилди
20:07
Россиянинг ўз муаммолари туфайли Гренландия билан иши йўқ – Песков
19:07
Калифорния губернатори Европа сиёсатчиларини Трампга нисбатан дадил позиция эгаллашга чақирди
15:05