Ҳиндистонда эркак 20 га яқин болани гаровга олди 

Ҳиндистоннинг Уттар-Прадеш штатида бир эркак ўз уйида 20 га яқин болани гаровга олди. Айни вақтда полиция болаларни қутқариш бўйича амалиёт ўтказмоқда. Бу ҳақда Hindustan Times нашри хабар берди. 

ОАВ маълумотларига кўра, Фарруҳободда яшовчи, қотилликда айбланган Суреш Батам исмли эркак болаларни ўз қизининг туғилган кунига таклиф қилиб, сўнгра уларни гаровга олган.

Таъкидланишича, гаровга олинган болаларнинг аниқ сони номаълум. Маҳаллий аҳолининг маълум қилишича, эркакнинг уйида 20-25 нафар бола, рафиқаси ва бир ёшли қизи бўлиши мумкин.