Apple Хитойдаги барча дўконларини вақтинча ёпди

Apple коронавирус тарқалиши сабабли Хитой ҳудудидаги барча офис, дўкон ва сервис марказларини 9 февралгача ёпди.

Бу ҳақда корпорация баёнотида эълон қилинди.

Қайд этилишича, компаниянинг Ҳонгконг, Макао ва Тайвандаги бўлимлари ишлашда давом этади.

Компания коронавирус билан боғлиқ вазиятни кузатиб бориш ва дўконларини имкон борича тезроқ очишга ваъда берди.

Apple аксарият маҳсулотларини Хитойда ишлаб чиқаради ва бу мамлакатни асосий бозор деб ҳисоблайди.

Аввалроқ Google ХХРдаги барча офисларини вақтинча ёпишга қарор қилганди. Starbucks Хитойдаги 2 мингдан ортиқ қаҳвахоналарини ёпди, Honda ва Nissan эса Ухань шаҳридаги ишчиларини эвакуация қилди.

Тайёрлаган Дилшод Аскаров

#Apple #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.