Татаристонда вертолёт қулаши оқибатида давлат думаси депутати ҳалок бўлди
Татаристонда вертолётнинг қулаши оқибатида Россия давлат думаси депутати Айрат Хайруллин ҳалок бўлди.
Бу ҳақда “Интерфакс” ахборот агентлигига вазиятдан хабардор манба маълум қилган.
Bell 406 вертолёти Татаристоннинг Лаишево шаҳри яқинида фалокатга учраган. “Восток Транс” компаниясига тегишли вертолётда 3 киши бўлган.
“Дастлабки маълумотларга кўра, 2 киши, жумладан учувчи оғир жароҳат олган. Хайруллин фамилияли бир йўловчи олинган жароҳатлардан ҳалок бўлган”, деб маълум қилган манба.
Дастлабки тахминга кўра, фалокатга ёмон об-ҳаво шароити сабаб бўлган.
50 ёшли Айрат Хайруллин “Единая Россия” партияси аъзоси бўлган. 2008 йилдан бошлаб Россия, Беларусь ва бошқа давлатлардан 200 тага яқин компания кирган Миллий сут ишлаб чиқарувчилар иттифоқига (Союзмолоко) раҳбарлик қилган. Хайруллин давлат думасида аграр масалалари бўйича қўмита раиси ўринбосари бўлган.
Мавзуга оид
10:15 / 03.09.2024
Бухоро ва Навоийда Татаристон билан қўшма саноат майдонлари ташкил этилади
02:21 / 02.09.2024
Эронда Раисий вертолётининг қулаши бўйича ўтказилган тергов якунланди
21:23 / 21.08.2024
Эронда Иброҳим Раисий вертолёти ҳалокати бўйича тергов якунланди
21:06 / 24.05.2024