Ҳиндистонда коронавирусга чалинган барча беморлар тузалгани хабар қилинди

Керала штати соғлиқни сақлаш бошқармасининг маълум қилишича, жами бўлиб 2242 нафар киши кузатув остида қолмоқда.

Фото : Business Today

Ҳиндистонда коронавирус билан оғриган уч нафар беморнинг барчаси тузалди, деб хабар берди India Times нашри.

Аввалроқ Ухань шаҳридан қайтганидан сўнг коронавирус аниқланган икки талабага касалхонадан уйига жавоб берилганди.

Охирги маълумотларга кўра, Хитойда коронавирусга чалинганлар сони 74,5 минг кишидан ортиб кетган, 2029 киши вафот этган, 16,1 мингга яқин киши тузалган. Хитойдан ташқари 25та давлатда 900дан ортиқ кишида касаллик юқтириш ҳолати аниқланган.

Тайёрлаган: Дилшод Аскаров

#Ҳиндистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.