«Ўзгидромет» дам олиш кунлари кутилаётган об-ҳаво маълумотни эълон қилди.
Фото: KUN.UZ
Қайд этилишича, ёмғир, қор ёғиб ўтган оз совуқ муддатдан кейин бугундан Ўзбекистонда кам булутли ва қуруқ об-ҳаво кузатилмоқда.
Эртага, қишнинг охирги кунида ҳам худди шундай об-ҳаво сақланиб туради. Тунги ҳарорат 0 даража атрофида, кундузи эса 12-17 даража илиқ бўлади.
Баҳорнинг илк кунларида об-ҳаво ҳақиқий баҳорий - илиқ ва қуёшли бўлади. Мамлакат ҳудудига Туркманистон ҳудудидан кирадиган ҳаво оқими таъсирида ҳарорат кўтарилиб боради ва кундузи 20-23 даража илиқни ташкил қилади, бу баҳорнинг боши учун хос бўлган ўртача кўп йиллик қийматлардан 8-10 даражага юқори.
