Наманганда вирусдан зарарланган бир киши аниқланди

Соғлиқни сақлаш вазирлиги маълум қилишича, Наманган вилоятида яна бир кишига коронавирус ташхиси қўйилган.

Фото: Reuters

«Шу соатгача мамлакатимизда коронавирус инфекцияси билан касалланганлар сони биттага ошиб, 60 нафарни ташкил этмоқда.

Ушбу инфекция Истанбулда бўлиб қайтган наманганлик фуқарода аниқланган. Айни пайтда у Наманган вилоят юқумли касалликлар шифохонасида даволанмоқда», дейилади вазирлик хабарида.

Бугун Ўзбекистонда вирусдан зарарланганлар сони 10 кишига кўпайди.

Бундан олдинроқ, 26 мартдан Наманган шаҳрига кириш ва чиқиш тўхтатилиши ҳақида хабар берилганди.