Mercedes-Benz коронавирус пандемияси ортида ўз логотипини ўзгартирди

Mercedes-Benz автомобилсозлик компанияси коронавирус пандемияси ортида ижтимоий масофалашувга амал қилиш муҳимлигини таъкидлаш мақсадида ўз логотипини вақтинча ўзгартиришга қарор қилди.

Компания логотипининг “карантин” вариантида уч нурли юлдуз унинг атрофидаги айлана билан туташмаган. Маълумки, компаниянинг анъанавий логотипида юлдуз айлана билан туташган ҳолда тасвирлаган. Янги логотипда эса юлдуз кичрайтирилиб, у билан айлана ўртасида масофа ҳосил бўлган.

Компания шу тариқа пандемия вақтида одамлар ўзини коронавирусдан ҳимоялаш ва уни бошқаларга юқтирмаслик учун ўзаро масофа сақлашлари лозимлигини тарғиб қилган.

Аввалроқ Audi ва Volkswagen компаниялари ҳам юқорида таъкидлаб ўтилган мақсадда логотипларини ўзгартирганди. Ушбу компаниялар ҳам шу йўл билан ижтимоий масофалашув муҳимлигини яна бир бор эслатиб қўйишган.

#Mercedes-Benz #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.