Трамп коронавирусни 5 дақиқада аниқловчи тестни ўзида синаб кўрди

АҚШ президенти Дональд Трамп коронавирус бор-йўқлигини аниқловчи янги тезкор тестни ўзида синаганини ва таҳлиллар унда вирус йўқлигини кўрсатганини маълум қилди.

Фото: REUTERS

“Мен тестни топширишга бор-йўғи бир дақиқа сарфладим. Кейин натижани олишга менимча 14-15 дақиқа кетди – мен ишимни давом эттириб, уларни ҳали-вери кутмаётганимда улар “президентда коронавирус борлигига манфий таҳлил чиқди”, деб айтишди”, деган Трамп Оқ уйдаги брифингда.

“Мен иккинчи марта таҳлил топширишим. Мен уни қизиқувчанлик сабабли, у қанчалик тез ишлаши ва қанчалик соддалигини билиш учун топширдим. Иккинчи марта тест топширишим анча ёқимли бўлди”, деб таъкидлаб ўтган АҚШ президенти.

Аввалроқ Трамп яқин орада АҚШда одамда коронавирус бор-йўқлигини 5 дақиқада аниқловчи тестлар кенг қўллана бошлашини маълум қилганди.

Ушбу тест АҚШнинг озиқ-овқат маҳсулотлари ва дори воситалари сифатини санитар назорат қилиш бошқармаси томонидан маъқулланган. Тестнинг натижаси 5 дақиқадан 15 дақиқагача маълум бўлади.

Тайёрлаган Шуҳрат Раҳимов

#Дональд Трамп #тест #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.