Ҳиндистонда кўчада тупурганлар қамаладиган бўлди

Ҳукумат фалокат шароитларида ҳаракатланиш тўғрисидаги қонунда кўзда тутилган қоида бузилишлар рўйхатига ўзгартиришлар киритди.

Ҳиндистонда бундан буён кўчада тупурганлик учун кескин чоралар – жаримадан тортиб бир йил муддатга озодликдан маҳрум қилиш жазоси қўлланилиши мумкин, деб ёзмоқда Times of India.

"Вирус томчи йўли орқали юқади, шунинг учун ҳозирги вазиятда кўчада тупуриш хавфли, жиддий чоралар кучга кириши зарур", - деб изоҳлади мамлакат ҳукумати бу қарорни.

Шу билан бирга, ОАВ Ҳиндистонда яқинда коронавирусга чалинганлар соғлиқни сақлаш тизими ходимларига қасддан тупурганлиги ҳолатлари юз берганини эслатиб ўтмоқда.

Охирги маълумотларга кўра, Ҳиндистонда коронавирусга чалинганлар сони 13,5 мингга яқинлашган, 450га яқин киши вафот этган.

Тайёрлаган Дилшод Аскаров

#Ҳиндистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.