Қўшимча функционаллар
-
Тунги кўриниш
Коронавирус билан касалланиш ҳолатлари сони ўзгаришсиз қолди
Давлат бош санитария инспектори Нурмат Отабеков 23 апрель куни соат 10:00 да «Ўзбекистон 24» телеканалида эфирга узатилган чиқишида Ўзбекистонда коронавирусга чалинганлар сони 1716 нафар ҳолида сақланиб қолаётганини маълум қилди.
Маълум қилинишича, ҳозирда Тошкентдаги учта тиббиёт муассасасида 318 киши даволанмоқда, улардан 76 нафарида клиник пневмония белгилари мавжуд.
Жумладан, Вирусология илмий-текшириш институти клиникасида 84 бемор даволанмоқда, уларнинг 29 нафарида пневмония клиник белгилари кузатиляпти, 3 нафарининг аҳволи оғир, 1 нафарининг аҳволи ўта оғир, деб баҳоланмоқда.
Эпидемиология-микробиология ва юқумли касалликлар илмий текшириш институтида даволанаётган 82 нафар бемордан 2 нафарининг аҳволи оғирлигича қолмоқда.
Шунингдек, Тошкент тиббиёт академияси кўп тармоқли клиникасида даволанаётган 152 нафар бемордан 45 нафарида пневмония клиник белгилари кузатиляпти, 6 нафар беморнинг аҳволи оғир, улардан икки нафарининг аҳволи ўта оғир.
- Ўзбекистонда коронавирусдан зарарланишнинг илк ҳолати 15 март куни Тошкентда тасдиқланганди. Ўтган вақт мобайнида вирус бутун республика ҳудуди бўйлаб тарқалди.
- 22 апрель куни зарарланиш ҳолатлари сони 38тага ошган ва жами ҳолатлар сони 1716тага етганди. Шу вақтгача 450 киши касалликдан соғайди, 7 киши вафот этди.
Коронавирус Ўзбекистонда
Мавзуга оид
08:35 / 13.05.2026
Санэпидқўм: Ўзбекистонда ҳантавирус бўйича вазият барқарор
21:04 / 24.02.2026
2025 йилда республика бўйича 44 та ҳолатда овқатдан заҳарланиш қайд этилди – Санэпидқўмита
13:28 / 10.02.2026
ССВ «коронавирусга қарши вакцина олганлар ҳаёти хавф остидалиги» ҳақидаги хабарга муносабат билдирди
18:50 / 27.01.2026