Бир кунда жами 48 бемор тузалди

Соғлиқни сақлаш вазирлиги Андижон ва Фарғонада ҳам коронавирусга чалинган 11 беморга жавоб берилгани ҳақида хабар қилди.

Андижондада 8 нафар ва Фарғонада 3 нафар коронавирус инфекциясига чалинган беморлар бутунлай соғайган. Улар вилоят соғлиқни сақлаш бошқармалари масъуллари иштирокида реабилитацияга кузатилди.

Соғлиқни сақлаш вазирлиги Жамоатчилик билан алоқалар бўлими маълумотига кўра, бугуннинг ўзида 48 нафар бемор тузалиб, мамлакат бўйлаб коронавирус инфекциясидан бутунлай соғайганлар сони 1319 нафарни ташкил этмоқда.

Ўзбекистонда коронавирус инфекцияси қайд этилганлар сони 2136 нафарга етганди, соғайган ва вафот этганлардан ташқари, жами 807 нафар бемор даволанмоқда.

#Соғлиқни сақлаш вазирлиги #коронавирус