Сирдарёда тошқиндан жабр кўрган аҳоли хатловдан ўтказилмоқда

Хатлов жараёнида фуқаролар билан суҳбат ўтказилиб, фуқаролик паспортлари йўқолган ва яроқсиз ҳолга келганлари аниқланиб, уларнинг рўйхатлари тузиб чиқилмоқда.

Фото: Ички ишлар вазирлиги

Президент топшириғига асосан, “Сардоба сув омбори” тошқинидан жабр кўрган Сардоба, Мирзаобод ва Оқолтин тумани аҳолисига амалий ёрдам кўрсатиш мақсадида маҳаллаларда ишчи гуруҳлар фуқароларни хатловдан ўтказиб бормоқда.

Сирдарё вилояти ИИБ ахборот хизмати хабарига кўра, вилоят ИИБ Миграция ва фуқароликни расмийлаштириш хизмати ҳамда бошқа ҳуқуқни муҳофаза қилувчи органлар ходимлари билан ҳамкорликда мазкур хатлов жараёнида фуқаролар билан суҳбат ўтказилиб, фуқаролик паспортлари йўқолган ва яроқсиз ҳолга келганларини аниқланиб, уларнинг рўйхатлари тузиб чиқилмоқда.

Бундан кўзланган асосий мақсад, тошқин натижасида фуқаролик паспорти йўқолган ва яроқсиз ҳолга келган фуқароларни аниқлаб, уларга ҳеч қандай қийинчиликларсиз янги биометрик паспорт расмийлаштириб бериш ишларини амалга ошириш, дейилади маълумотда.

#Сирдарё #хатлов