Қўшимча функционаллар
-
Тунги кўриниш
Самарқандда 96 ёшли фуқаронинг томорқасидан 122 туп кўкнори топилди
Ҳолат юзасидан Жиноят кодексининг 270-моддаси билан жиноят иши қўзғатилган.
2020 йилнинг 19 май куни соат 11:20да Самарқанд вилояти Жомбой туман ИИБ ходимлари томонидан “Қорадори 2020” тадбири ўтказилган. Бу ҳақда Ўзбекистон Республикаси ИИВ ҳузуридаги Тергов департаменти хабар бермоқда.
Унинг давомида, Жомбой туман Ғоровтепа қишлоғида яшовчи 96 ёшли Ғ.Т.нинг яшаш уйи ҳовлисидаги томорқаси холислар иштирокида кўздан кечирилганда, томорқасида экилган жами 122 туп яшил рангли, ўткир ҳидли, «кўкнор» гиёҳвандлик ўсимлигини етиштириб келаётганлиги аниқланиб, ушбу 122 туп ўсимликлар холислар иштирокида ашёвий далил сифатида ҳужжатлаштириб олинган.
Ҳолат юзасидан Жомбой туман ИИБ ҳузуридаги Тергов бўлими томонидан Ўзбекистон Республикаси Жиноят кодексининг 270-моддаси 1-қисми (тақиқланган экинларни етиштириш) билан жиноят иши қўзғатилган.
Ҳозирда дастлабки тергов ҳаракатлари давом этмоқда.
Мавзуга оид
17:31 / 12.06.2026
Гиёҳвандлик воситалари билан боғлиқ жиноятлар учун жавобгарлик кучайтирилди
10:57 / 12.06.2026
Тошкентда 34 килограммдан зиёд наркотик моддалар мусодара қилинди
20:09 / 11.06.2026
Жиноят кодексига аҳоли саломатлиги ва генофондига қарши жиноятлар боби киритилади
23:36 / 29.04.2026