Саудия Арабистонида отишма оқибатида 6 киши ҳалок бўлди

Саудия Арабистонида ўзаро адоватда бўлган икки оиланинг аъзолари отишма уюштирди. Отишма оқибатида 6 киши ҳалок бўлган.

Отишма Асир вилоятида юз берган. Унинг оқибатида 6 киши ҳалок бўлган ва яна 3 киши яраланган. Бу ҳақда Associated Press ахборот агентлиги хабар берди.

Полициянинг аниқлашича, барча ҳалок бўлганлар Саудия Арабистони фуқаролари бўлган. Қуроллар тортиб олиниб, воқеа тергов қилиниши бошланган.

Ахборот агентлигининг таъкидлашича, подшоҳликда оммавий қотилликлар жуда камёб ҳодиса ҳисобланади. Полицияда отишма террорчилик билан боғланмаган, деб ҳисобланмоқда.

Тайёрлаган: Шуҳрат Раҳимов

#Саудия Арабистони #отишма