78 нафар ички ишлар ходими карантин қоидаларини бузганлик учун жаримага тортилган, бир нафари ишдан бўшатилган.
Жорий йилда 2350 нафар ички ишлар ходими хизмат интизомини бузгани аниқланди. Бу ҳақда Ўзбекистон Республикаси Ички ишлар вазирлигининг матбуот котиби Шоҳрух Ғиёсов ички ишлар органлари фаолиятига бағишланган жамоатчилик мулоқотида айтиб ўтди.
“Сафимизни адашиб кириб қолганлардан тозалаш бўйича кўп ишлар амалга оширилди. Масалан, 2019 йилда жами 7039 нафар ходимга нисбатан интизомий жазо қўлланилган. Йўл ҳаракати қоидаларини бузган 1223 ходим жаримага тортилган. 133 нафари жиноий жавобгарликка тортилган.
Жорий йилда эса 2350 ходим хизмат интизомини бузгани аниқланди. 529 нафари йўл ҳаракати қоидаларини бузган ҳамда 45 нафар ходим жиноий жавобгарликка тортилган. 78 нафар ходимимиз карантин қоидаларини бузганлик учун жаримага тортилган, бир нафари ишдан бўшатилган.
Сўзда эмас, амалда қонун устуворлигини таъминлаш — асосий вазифамиздир”, - дейди Ш. Ғиёсов.
