Тошкент фармацевтика институти, Тошкент шаҳридаги Турин политехника университети ва Тошкент шаҳридаги Аджу университетига янги ректорлар тайинланди.
Фото: Тошкент фармацевтика институти
Ҳукуматнинг 3 июлдаги қарори билан Ғайрат Озодович Муродов Тошкент шаҳридаги Аджу университетининг ректори этиб тайинланди.
Шунингдек, Камол Саидакбарович Ризаев Тошкент фармацевтика институтининг ректори лавозимида иш бошлади.
Бундан ташқари, Жамшид Шуҳратуллаевич Иноятхўжаев Тошкент шаҳридаги Турин политехника университети ректори вазифасини бажарувчи этиб тайинланди.
